Pandeireta Ilustrada por Iria Prol_ San Cosmeiro

Información

Pandeireta de 9 pares en madeira de nogueira e ferreñas tradicionais douradas.

Coiro impreso.  A ilustración non sufre desgaste cun uso moderado. Hai factores que poden afectarlle coma o uso de productos cosméticos (esmaltes de unllas, cremas...), aneis, sudoración das mans... e sobre todo un uso moi intensivo.

Iria Prol - Ermua, 1985

É  ilustradora, artista mural e deseñadora gráfica. Tras rematar os seus estudios de Enxeñería en Deseño Industrial na Politécnica de Valencia, tivo moi claro dúas cousas: a primeira, tiña que dar un imperativo xiro de emerxencia de volta ó mundo da Arte, e a segunda, que sempre levaría no seu corazón a luz do Mediterráneo.

Tras continuar estudios de Máster máis enfocados á Arte e traballar como deseñadora en Francia e Reino Unido, en 2009 voltou a Galicia, onde combinou épocas de traballo como freelance con posicións en recoñecidas marcas nos campos da moda, o deseño e a publicidade. Estas experiencias servíronlle de gran aprendizaxe, e para finalmente chegar á conclusión que xa sospeitaba dende o principio: a decisión de traballar independentemente, a veces dende o seu estudio, e ás veces dende os lugares máis insospeitados, grazas a internet e aos clientes que ó longo dos anos confiaron no seu traballo. A día de hoxe combina proxectos de deseño gráfico e ilustración coa realización de murais e a docencia. 

O seu traballo pode verse na súa páxina web www.iriaprol.com ou en redes como @iriaprol_studio