Pandeireta Sara Romero

Información

Pandeireta galega tradicional feita con madeira de pino con cor violeta, coiro de cabra e ferreñas tradicionais de folla de lata douradas.

Ilustración de Sara Romero

Coiro impreso.  A ilustración non sufre desgaste cun uso moderado. Hai factores que poden afectarlle coma o uso de productos cosméticos (esmaltes de unllas, cremas...), aneis, sudoración das mans... e sobre todo un uso moi intensivo.

Diametro 250mm e altura 68mm.

A pandeireta máis empregada tradicionalmente en Galicia.

Indicada para adultos e idades a partir de 9 anos.

____________________________________________________________________________________________________________________________________________

Esta ilustración forma parte dunha serie de debuxos dedicados a figuras femininas vencelladas á mitoloxía e ao folclore popular galego. Neste caso, a protagonista é a moura galega, reinterpretada como unha presenza ancestral ligada aos lugares encantados do territorio.

A figura aparece peiteándose o cabelo, cos ollos pechados e cunha expresión serena, coma se habitase entre o mundo real e o mítico. O peite, as xoias e os elementos vexetais fan referencia ás lendas nas que as mouras custodian tesouros, castros, segredos antigos...

A ilustración busca afastarse dunha representación literal para construír unha imaxe máis simbólica e ornamental: unha muller poderosa e enigmática.

Realizada a unha tinta, mantén unha linguaxe gráfica pensada para funcionar como parte dunha colección visual de deusas, semideusas e mulleres míticas.