Pandeireta pintada a man por Carlota Suárez de 9 pares e ferreñas manuais douradas

Información

Pandeireta galega tradicional feita con madeira de pino, coiro de cabra e ferreñas manuais douradas.

Está pintada a mano, punto a punto, trazo a trazo, color a color por Carlota Suárez.

Peza única. 

Diámetro 250mm e altura 68mm.

A cor pode cambiar dependendo do dispositivo e as condicións de luz onde se vexan as fotografías desta páxina.

---------------------------------------------------------------------------------------------------------------------------------------------------

Sobre min

Sempre se di que "menos é máis", e non podo estar máis en desacordo. Eu sempre digo que a fantasía está no uso da cor.

Por iso dende pequena pinto: para relaxarme, para pasar o rato, para lembrar unha paisaxe, para evadirme mentres escoito música, para experimentar en diferentes materiais pero, sobre todo, para expresarme. Moitas veces non atopo as palabras correctas... digamos que eu non son "de letras". Pero sempre sei como plasmar o que teño na cabeza na miña libreta, nun lienzo e ata na madeira dun instrumento.

O que para min empezou case como unha necesidade foise convertindo pouco a pouco nunha profesión, e agora traballo como deseñadora de interiores e ilustradora dende Oleiros, o lugar onde me criei.

Sobre a pande

Fálase do medo á paxina en branco,  pero eu tiña medo ao fondo azul cobalto. Iso tíñao claro pero, como ía seguir? Tiña tantísimas ideas e cores para esta pande... ao final, escollín esta especie de flores horror vacui laranxas, turquesa e vermellas feitas con acrílico. Cando xa as tiña, engadín esas raias para dar un toque amarelo que contrastase con tantos círculos. Tívenme que frear para non seguir engadindo capas e capas, porque sempre se pode engadir un puntiño máis cun rotulador de punta fina...

Oxalá vos guste tanto como a min pintala. Este non foi un encargo calquera. Faime moitísima ilusión pintar algo tan especial, un instrumento que acompañará a alguén durante anos a ensaios, foliadas e actuacións.